فرصة تطوع مع غرناطة أكاديمي في مجال التعليم | Gernata Academy

اكاديمية غرناطة هى منصة تعليمية غير ربحية على الانترنت شبيهة بـ khan academy تأسست من 3 سنوات و قائم عليها مجموعة من طلاب الجامعات المتطوعي
هدفنا اننا نوفر تجربه تعليمية جديده لطلبة الثانوية العامة 

نبذة عن فريق عمل غرناطة أكاديمى

في مجتمع أصبح عاله علي غيره من المجتمعات وتأخر عن ركب الحضاره والتطور.

في مجتمع انتشرت فيه الافات واصابه من الهوان ما أصابه !

 في مجتمع لا يفتقر أبدآ للموارد البشريه ولكن يعانى من سوء استمثارها.

في مجتمعٍ ارتبطت فيه كلمه الشباب بالتغيير والتجديد والنهضه و قِيلَ فيه أن الشباب هو عماد المجتمع وثروة الامه الحقيقه. ولكن دائما ما نصتدم بواقع مجتمعنآ الذى يدعى قولا لايعرف له فعلاً.

 اذا كنا جميعآ نتفق ان الشباب هم امل المستقبل والطاقات الكامنه للابداع والتنميه،فماذا قُدّم لهم لتشجيعهم والنهوض بقدراتهم !

 وبسبب ذلك الاهمال المجتمعي نجد معظم شباب اليوم اصبح بلا قيمه تعود على المجتمع والمتفوق منهم لا يهتم الا لنفسه ولا يسعي الي لمصلحته الشخصيه -الا من رحم ربي- .

 نجد في مجتمعنا الشباب اصبح ضالا بلا غايه وبلا هدف , بلا قيمه وبلا مبادئ اتّجه بنظره الي الغرب مقلدا مساؤهم تاركآ اجتهادهم ومحاسن افعالهم.

 ان مقياسنا في توقاعتنا للمستقبل هم الشباب ولا خير في وطن لا خير في شبابه.

 اذا كنا نقول ان "الوقايه خير من العلاج" فالاهتمام بالشباب هو الوقايه لدوله اصبحت لا تتحمل تكلفه العلاج وفيها من شتي الامراض.

واذا أعوج النبات فمن السهل اصلاحه في نشاته حتي يصبح شجره قويه مستقيمه لكن من المستحيل اصلاح هذا التلف حينما يكبر على مرضه !

ان شباب اليوم هم رؤساء ووزراء المستقبل وهم مهندسوه واطباءه وهم رجال اعماله فاذا فسدوا فسيكونوا السبب فى الفساد الاكبر للوطن. 

 الواقع بين ايدينا وهو ان نساعد في اصلاح النشء منذ البداية.

وحيث اننا اسفين لا نستطيع اصلاح الوطن بجميع مشاكله في وضعه الحالي نبعث فكرتنا وما نسعي اليه بكل بساطه وهو اعادة تأهيل ذلك الشباب المُنهك وتقويمه من عدة محاور اولها هو التعليم بطريقه منهجيه صحيحه، ليكونوا هم بدايه لتغيير مجتعنا والنهوض به نحو مستقبل أفضل.

ولهذا فاننا نؤمن اننا سنكون الحل ففكره العمل الاساسيه في غرناطه اننا نقوم بالعمل علي تطوير مجموعه من الطلبه فرضا الف طالب.

 وبعد ما تنتهي مرحله التعليم الاساسيه لهم نقوم باختيار مائه طالب منهم ليقوموا بالعمل ضمن الفريق حتي نستطيع خدمه عشره الاف طالب ومن العشره الاف طالب ينضم الي الفريق الف طالب منهم لكي نقدر علي العمل علي تطوير مائه الف طالب وهكذا علي هذا المنوال 

نقوم في غرناطه بتمنيه الفرد والمحور الاساسي في هذا هو التعليم وتمنيه الطالب المصري لكي يصبح طالب متفوق وفي نفس الوقت صاحب قيم ومبادئ وهذا الطالب هو بدايه التغيير لغيره من الطلاب المصريين 

اكاديمية غرناطة هى منصة تعليمية غير ربحية على الانترنت شبيهة بـ khan academy تأسست من 3 سنوات و قائم عليها مجموعة من طلاب الجامعات المتطوعي

هدفنا اننا نوفر تجربه تعليمية جديده لطلبة الثانوية العامة 

عن طريق اننا بنقدم محتوى تعليمي ودعم نفسي لمساعدة طلبة الثانوية العامة مجانا 

فريقنا شغله اونلاين بالكامل وبيجمع 175 متطوع من كل المحافظات 

احنا بنؤمن فى غرناطة ان التعليم هو بداية طريق الإصلاح و بدأنا العمل من 3 سنين استطعنا خلالهم تقديم الدعم لأكثر من 30 الف طالب ثانوي و انتاج مئات من الفيديوهات التعليمية و المقالات و الأنشطة التعليمية التي تجعل من التعلم شيئا ذو قيمة 

انتاجنا خلال العام السابق

1- انتاج 240 فيديو تعليمى لتبسيط المناهج متاحة للجميع

2- تسجيل 70 حلقة صوتية تقدم الدعم النفسي للطلاب

3- نشر اكثر من 255 مقاله تتحدث عن مشاكل الثانوية العامة وكيفية تفاديها

بجانب متابعة مئات الطلاب و دعمهم نفسيا و معنويا 

شروط الإنضمام للفريق

• - الإلتزام والجدية.
• - قدرة عاليه على اعداد محتوى مفيد ومشوق ومناسب.
• - اجتياز لإختبارات المهام المطلوبة علي الأقل بنسبة 70%.
• - اجتياز المقابلة الشخصية بنسبة 60% كحد أدني.
• - يكون له رؤيته المستقلة وإبداعه الخاص.
• - قدرة علي التواصل بشكل جيد.
• - خلفية عن الماركتينج وادارة الصفحات.
• - قدرة علي الكتابة بشكل جيد

مجالات التطوع

حاليا غرناطة فتحت التقديم  للفرق 

1- فريق الميديا ( جرافيك ديزاين و مونتاج ) 
2- فريق الاتش ار 
3- فريق تبسيط العلوم 
4- فريق الراديو 
5- فريق السوشيال ميديا 
6- فريق اعداد المحتوى 

- التطوع فى جميع الفرق اونلاين . 

فريق HR غرناطة

طبعا عارفين في اي مكان بيكون في جندي خفي مسؤول عن ان الشغل يمشي مظبوط وفي مملكتنا الشخص ده هو الاتش ار طب بيعمل ايه ؟

هو المسؤول عن انه يتابع سير الشغل وخطته ويوفر جو مناسب للاعضاء علشان ينتجوا بشكل كويس بدون ضغط عليهم كمان مسؤول انه يطبق قوانين وتعليمات المملكه ويطور منها.

طب ايه مهام اللجنه ؟

1. 1. وضع القوانين وتنظيم العلاقات.
2. 2- تشجيع الأعضاء ومتابعتهم وتقدير المتميزين وايجاد حلول للمشاكل مع المقصرين.
3. 3- متابعة الحضور ف كل ميتينج والالتزام بالمواعيد.
4. 4- تحديد احتياجات كل ميمبر تطوير الاداء و تنمية skills و التركيز علي نقاط ضعف و قوة كل عضو و العمل علي تنميتها
5. 5- استقبال مشاكل الأعضاء، والعمل على حلها.
6. 6- إعداد فورم الريكورت والفيد باك.
7. 7- إجراء المقابلات واختيار الاشخاص الكفء للمكان بناء علي معايير معينة.
8. 8- تقييم دوري بشكل مستمر للأعضاء ومتابعة سير العمل وتنفيذ المهام.
9. 9- حلقة الوصل بين الاعضاء والهيدز في الكيان.
10. 10- عمل أنشطة مشتركة بين الفرق لزيادة روح العمل الجماعي.

شروط التيم :

1. 1- يكون عندك خلفية عن مجال الHR
2. 2- تكون مرن في التعامل
3. 3- تكون active ف المكان
4. 4- القدرة على حل المشاكل
5. 5- القدرة على المتابعة واتخاذ القرارت الصحيحة
6. 6- مهارة تواصل جيدة
7. 7- تكون multitasking
8. 8- القدرة على العمل تحت ضغط
9. 9- تنظيم الوقت

فريق ميديا غرناطة

ببساطة الميديا هو الفريق المسؤول عن اي ديزاين بينزل لغرناطة سواء كان صور او فيديو فيها موشن ومونتاج وصوت وتأثيرات وكل الكلام دا واللي زي م قولنا هو اللي بيحط التاتش بتاعته عشان يخلي الحاجة تطلع بأفضل صورة، يعني هو المسئول عن الشكل النهائي لمحتوي غرناطة

طيب اي اقسامه؟

1- قسم مونتاج الفيديو: هو القسم المسؤول عن مونتاج فيديوهات الاستوديو و إضافة اللمسات الإبداعية لها وتنقية الصوت والصورة وكل الأعمال الفنية الخاصة بالفيديو.

شروط الانضمام لقسم المونتاج(فيديو):

1. 1.قابلية الجهاز المستخدم لتشغيل البرنامج المطلوب بسلاسة.
2. 2.يكون على خبرة جيدة بالمجال والبرامج المطلوبة، و عنده متسع من الوقت للتعلم والعمل.
3. 3.توافر برنامج Adobe Premiere و برنامج Adobe After effects بأي اصدار ونسخة (يفضل احدث اصدار).

2- قسم مونتاج الصوت : مسئول عن الشكل النهائي اللي بتُعرض بيه حلقات الاستوديو ، ودا من خلال إستخدام أحد برامج مونتاج الصوت واللي بيقوم ب : - تنقية الصوت من أي مؤثرات خارجية وتقويته. - وضع الموسيقى والمؤثرات الصوتية في الحلقات. - التحكم في الشكل الإبداعي والنهائي اللي بتخرج بيه الحلقة.

شروط الانضمام لقسم المونتاج(اوديو):

1. 1.قابلية الجهاز المستخدم لتشغيل البرنامج المطلوب بسلاسة.
2. 2.يكون على خبرة جيدة بالمجال، و عنده متسع من الوقت للتعلم والعمل. 3.توافر برنامج Adobe Audition او Adobe Premiere بأي اصدار ونسخة(يفضل احدث اصدار).

3- قسم الديزاين : هو اللي يرسم واجهة غرناطة بطريقة جذابة وجمالية و تصميم الصور المستخدمة في الفيديوهات و الحلقات و البوستس على ال Youtube و تصميم Covers و Pictures للصفحة.

شروط الانضمام لقسم الديزاين:

1. 1. قابلية الجهاز المستخدم لي برامج التصميم.
2. 2.خبرة جيدة في مجال والبرامج المطلوبة، وتوافر الوقت للتعلم والعمل. 3.توافر برنامج Adobe Illustrator أو Adobe Photoshop بأي اصدار او نسخة(يفضل احدث اصدار)

4- قسم ال whiteboard animation : وهو كمان القسم المسؤول عن تحويل اسكريبتات فريق الاستوديو لفيديوهات وعمل الstory board الخاصة بيها.

شروط الانضمام لقسم ال whiteboard animation:

1. 1. قابلية الجهاز المستخدم لي البرنامج المطلوبة.
2. 2.خبرة جيدة في مجال والبرامج المطلوبة، وتوافر الوقت للتعلم والعمل.
3. 3.توافر برنامج videoscribe

5- قسم ال Motion graphics: وهو القسم المسؤول عن تحريك الصور وال flat characters

شروط الانضمام لقسم ال motiongraphics:

1. قابلية الجهاز المستخدم لي برامج ال motion
2.خبرة جيدة في مجال والبرامج المطلوبة، وتوافر الوقت للتعلم والعمل.
3.توافر برنامج Adobe After effects

من الآخر التيم دا للفنانين وأصحاب اللمسات الفنية الجميلة فلو انت جرافيك ديزاينر او شغال موشن جرافيك او مونتاج ، ومحتاج تدرب نفسك و ترفع مستواك و تشتغل وسط فريق عمل بينتج محتوى مستمر لمساعدة طلاب الثانوية العامة ، دى فرصتك انك تنضم كمتطوع فى فريق عمل غرناطة اكاديمي. 

وفى بداية انضمامك هتاخد تدريب فى مجالك و تعرف ازاى تعبر عن الـvisual identity الخاصة بينا وكمان تقدر تعلم مجالات تانية غير المجالات للي انت تعرفها

ولو انت مبتدئ كل اللي عليك تتعلم شوية اساسيات في المجال اللي حابب تنضم ليه وفي غرناطة هنعلمك لحد ما تكون محترف

فريق اذاعة غرناطة

أًصحاب الأصوات الذهبية، طب إزاى أعرف إن صوتى حلو أو يجى منى، الموضوع ممكن يجى بالصدفة حد يقولك أنت صوتك وأنت بتتكلم حلو وليك حضور، فتجرب مرة واتنين وتلاتة وتلاقى نفسك بتطور من غير ما بتحس ببساطة لإن أنت عندك البذرة وأنت نمتها وتلاقى اتفحت قدامك فرص كتير و المذيعين المُبدعين هم المسئولين عن تسجيل صوتي للاسكربتات اللي جاية من الشرح او اي محتوي مقالي بيتكتب في غرناطة بالاضافة لانهم بيقدرو يكتبو بنفسهم محتوي ويسجلوه وطبعا هم اكتر ناس بياخدو شهرة في غرناطة 

شروط الانضمام:

• - الابتكار والإبداع
• - مرونة في الأفكار
• - العمل الجماعي
• - مرونه في السفر و المواعيد
• - تقبل النقد
• - صوت واضح ومقبول
• - العمل علي برامج مونتاج الصوت او علي الأقل القدرة علي التعلم (مش اجباري)

وطبعا استوديو غرناطة اتعمل مخصوص عشان تيم الاذاعة وبقي عندنا كل المعدات اللازمة للتسجيل وعشان كده مذيعين غرناطة هيخضوضو تجربة فريدة من نوعها بالتسجيل بامكانيات عالية جدا وفي استوديو مخصوص

ملحوظة مهمه : كل خطوات الشغل هتتعلمها بكامل تفاصيلها لما تدخل معانا التيم لحد ما تكون محترف ف المجال، بس احنا بندور علي انه يكون عندك خلفية ولو بسيطة جدا واللي انت تقدر تكونها حتي بمجرد شوية بحث علي جوجل او يوتيوب.

فريق شرح غرناطة

هو العمود الفقري ل غرناطة وأساس وجود كيان غرناطة، أغلب محتوى قناتنا علي اليوتيوب بيكون من خلال فريق الشرح.

سبب وجود الفريق:-

طالب الثانوية بيحشي دماغه طول السنة وبعد كده يفرغ المنهج فى ورقة الامتحان ويخرج منها يملي رأسه بالمادة التالية، وهكذا دون أي ابتكار أو معرفة أصول العلم
لهذا كان فريق الشرح، للربط بين التفوق والإبداع، معرفة أصول العلم وتطبيقاته، تثبيت المعلومة بطريقة مبتكرة لغرس قيمة التفكّر داخل الطالب وتكون الثانوية هي مرحلة تغيير إيجابي وبداية لنظرة مختلفة للتعليم والتعلم.

مهام الفريق:

- اعداد اسكريبتات شرح وتبسيط جميع المواد الدراسية بطريقة إبداعية
- تحويل الاسكربتات بعد التسجيل بواسطة فيديو اسكرايب لتوضيح الشرح
- عندنا مقر استوديو غرناطة وفيه كل المعدات اللازمة عشان الجودة تكون أعلي ودي هتكون فرصة مميزة لأعضاء الفريق أنهم يخوضو تجربة عظيمة جدا.

اّلية العمل:

الفريق بيكون مسئول عن تجهيز اسكربتات شرح جزء محدد من مادة محددة وفقا لخطة محددة  بس مش اي شرح، بيكون تبسيط بطريقة إبداعية بحيث نعتمد على أننا نفهم الطالب أصل المعلومة ومش ملزمين بالمنهج الدراسي بشكل بحت. حاجه كده شبه فيديوهات الدحيح  اللي هو ممكن ميشرحش الموضوع باستفاضة بس بيديك الأساس المهم اللي تقدر تبني عليه

خطوات الشغل بسيطة بنحدد الموضوع اللي هنتكلم عنه ف المنهج وفق خطة ماشيين عليها، ونبحث عن مصادر موثوقة متنوعة ناخد منها معلومات عن الموضوع ده، وبعد كده بنصيغ المعلومات دي بأسلوب مبسط جدا ومختصر علي هيئة اسكريبت، وبعد كده بنبعت الاسكربت ده لقسم الاذاعة عشان يسجلوه في استوديو غرناطة،، وبسس كده مبروك عليك اول فيديو ليك وبقيت مشهور خلاص 

ملحوظة فيه خطوات تانية بتتم بس هتعرفها داخل التيم وطبعا كل الخطوات دي هتعرفها بالتفصيل معانا قبل بداية شغلك*

شروط الانضمام:

- الابتكار والإبداع
- مرونة في الأفكار
- العمل الجماعي
- القدرة على البحث و تلخيص وتبسيط الشرح
- اختيار مادة الشرح يكون بالتخصص او ع الأقل التفوق في المادة دي

 بمعني ان لو حد اختار يشرح رياضة يبقي لازم يكون في كلية تربية رياضة او هندسة او عالأقل متفوق في الرياضة جدا وجايب فيها مجموع كويس،، ولو الاحياء يبقي كلية علوم او تربية او طب وبردو متفوق فيها وجايب مجموع كويس .... وهكذا في باقي المواد 

ملحوظة مهمه : كل خطوات الشغل هتتعلمها بكامل تفاصيلها لما تدخل معانا التيم لحد ما تكون محترف ف المجال، بس احنا بندور علي انه يكون عندك خلفية ولو بسيطة جدا واللي انت تقدر تكونها حتي بمجرد شوية بحث علي جوجل.

التقديم

تقديم