تفاصيل التطوع في شباب يدير شباب YLY الموسم الخامس لعام 2023
احنا متطوعى وزارة الشباب والرياضة YLY مبادرة أطلقها وزير الشباب والرياضة د/أشرف صبحى باسم (شباب يدير شباب) منذ توليه منصب وزير الشباب والرياضة عام 2018.
المبادرة منتشرة فى محافظات الجمهورية وبتضم عدد كبير من الشباب فى 5 لجان وهم HR - SM - PR - OR - عشان كل واحد فيهم يطور من نفسه ويعلى من قدراته.
المبادرة ليها هدف واضح وهى توسيع قاعدة المشاركة الشبابية وترويج أنشطة الوزارة وبناء القادات وتنمية مهارات وقدرات الشباب و بناء الشباب لمواكبة سوق العمل مع نشر ثقافة الرياضة اسلوب حياة.
جتلك الفرصة تشارك في واحدة من أهم المبادرات الشبابية على مستوى مصر من خلال وزارة الشباب والرياضة.
المبادرة فيها أربع لجان (SM _ PR _ OR _ HR) تقدر تختار اللجنة المناسبه ليك..
إنضم لمبادرة متطوعى وزارة الشباب والرياضةYLY الكبيرة الموجودة في كل محافظات مصر.
فكرت تشارك في عمل تطوعي ومش عارف الطريق منين ؟ دلوقتي متاح ليك في فرصة تشارك في واحدة من أفضل المبادرات الشبابية في مصر وهي مباردة شباب يدير شباب
دى اختصار لجملة (Youth leading youth ) او( شباب يدير شباب ) ودى مبادرة اطلقتها وزارة الشباب والرياضة من وقت تولى د.أشرف صبحى الوزارة
طيب ايه أهداف المبادرة ؟
بكل بساطة المبادرة موجهة للشباب يعني بتهدف لتوسيع قاعدة المشاركة الشبابية وبتشتغل على مشاركتهم اكتر في أنشطة الوزارة وبتعملهم تدريبات وكورسات ومعسكرات وحاجات تانية كتير
طيب المبادرة دي مين اللي بيساهم فيها ؟
المبادرة متطوع فيها عدد كبير من الشباب فى كل محافظات مصر وتخصصات اللجان فيها ( MEDIA / HR / PR / OC ) عشان يتعلموا اكتر ويساعدوا غيرهم من الشباب .
ودي الصفحة الرسميه للمبادرة واللي عن طريقها هتقدر تعرف ايه هي الخدمات اللى بتقدمها الوزارة زي الكورسات والتدريبات والفاعليات زي الندوات والمؤتمرات..... الخ
- مثلا" يعنى تنظيم ندوات الوزير في المحافظات
- المشاركة فى امم افريقيا
- المشاركة فى تنظيم مهرجان اطفال العالم
- المشاركة فى ماراثون زايد
- وحاجات تانية برضو
- و طبعا هتوصلنا افكاركم ومقترحاتكم وارئكم وهنشتغل معاكوا علي تنفيذها
مزايا التطوع مع شباب يدير شباب YLY الموسم الخامس لعام 2023
ايه فايده انك تضيع من وقتك شويه وتطوع سواء في خدمة المجتمع او منظمة غير هادفة للربح أو في أي Student activity في الجامعة ؟
التطوع شئ جميل وبيدل علي قد ايه انت همك المجتمع وانسان ونبيل وبلا بلا بلا....
اكيد سمعت الجملتين دول كتير بس خليني اديك أسباب واقعية وحقيقيه انه تطوع
- بتكون شبكة كبيرة جدا من العلاقات ، وواحدة من اههم قواعد الحياة العملية هو العلاقات كل ما كانت علاقاتك أكبر كل ما فرص انه حد يساعدك في أي اكتر.
- بتخلي شخصيتك multi character من خلال فرصه تعاملك مع الغير بنتقابل مع طبقات كتير الغني والمتوسط والفقير والمثقف والجاهل والشجاع والجبان وغيره كتير وطبعا لما تتحط في موقف زي ده هتعرف تتعامل مع كل شخصية بلغتها وجه هيسهل عليك الحياة العمليه فيما بعد.
- بتزود فرص سفرك بشكل كبير، لو قررت تسافر اي دولة تشتغل هناك أو تكمل دراسة أو حتي تاخد البكالوريوس هناك الدولة اللي رايحها بتقول هيفدني في ايه لو جه عندي؟ فلما تلاقيك بتطوع في بلدك وليك دور فعال بتعرف انه بلدهم في ايد امينه "اللي هي المفروض ايدك انت" وكلهم متفقين أقبل طالب ليه دور احسن بكتير من واحد ثابت زي الشجرة.
- بتعلمك soft skills ،واسمحلي اقولك انه ال skills دي مش هتتعلمها في الجامعة أو هتدفع كتير عشان تعرفها، بينما التطوع بيطلع ناس عارفه تتكلم علي المسرح عارفه تقدم presentation بطريقه كويسه بتتعامل مع الضغط ازاي وتنظيم الوقت وكتير ومش هرجع اقول انه لو مش معاك ال skills دي ف للأسف وضعك بعد التخرج هيبقي صعب
- بيكون فعلا ليك دور في المجتمع ، سواء هتعلم طالب أصغر منك أو صاحبك اللي اتعلمته الوضع هيتغير ، لو كل واحد بس علم اللي جمبه حاجه جديده كل يوم حالنا هيتغير... والتطوع مش بس انك تبقي تبع team فلاني وخلاص التطوع انه تبذل وقت ومجهود عشان تغير وضع من أسوأ لأحسن
تعلم طفل القراية والكتابه تطوع، تنزل تنضف شارعك تطوع تترجم فيديوهات من لغات ل لغات تانيه التطوع عمره ما كان محصور في حاجه واحده أو في مصر بس، احنا لازم ناخد خطوة لقدام عشان الجاي أصعب ولازم نكون مستعدين ليه...
نصائح انترفيو التطوع مع شباب يدير شباب YLY الموسم الخامس لعام 2023
عندك "interview" وقلقان منه
احنا بقى جبنالك الخلاصة اللي هنخليك تعدي أي انترفيو مرتاح
نيجي بقي ل أسئلة المقابلة، هتكون عاملة ازاي
- أول حاجة لازم تقرأ كويس عن المكان
- وبعد كدا حاول تفكر في إجابات الأسئلة اللي ممكن تتسألها
مثال:
- ايه اللي يخليني اقبلك
- تقدر تتغلب على أي مشكلة هتواجهك في الشغل... طب ازاي
- أيه هي نقاط قوتك وضعفك؟
- خلي بالك لازم تنظم كلامك َوتجاوب بكل هدوء وثقة عشان تقنع اللي قدامك بيك وبقدراتك.
- مش كدا وبس لا، ده كمان لازم تسمع كويس كلام المقابل وتبقى مهتم بكلامه، ومتقاطعهوش في الكلام
- وحاول تجاوب على قد السؤال وتبعد عن التلقائية، وزي ما بدأت بثقة أنهي المقابلة بثقة
لو طبقت الحاجات مش هتقلق تاني أول ما تسمع كلمة "عندك انترفيو"