مع بداية الاستعداد لانطلاق الموسم الرابع لفريق متطوعي مراكز شباب مصر ومع فتح باب التطوع للسيزون الجديد
النهارده مراكز شباب مصر هتجاوبك علي كل اسألتك… احنا مين ؟ هدفنا ايه ؟ وبنعمل ايه؟وموجودين فين ؟ وتنضم لينا ازاي
احنا مين؟
احنا فريق متطوعي مراكز شباب مصر التابع لوزارة الشباب والرياضة تحت اشراف مكتب مساعد الوزير لمراكز الشباب
هدفنا ايه
هدفنا خدمة المجتمع عن طريق مراكز الشباب وتحسين الصورة الذهنية للمجتمع عنها واستخدامها الاستخدام الأمثل لخدمة المجتمع المحيط بها ودا عن طريق تنفيذ مجموعة كبيرة من المبادرات اللي بتخدم الناس سواء مبادرات طبية او تدريبية او مساعدة في الخير بالاضافة لدورنا الاعلامي الاساسي بكل المحافظات
ليه مراكز الشباب
لانها ثروة عظيمة تمتلكها الدولة والمتمثلة في وزارة الشباب والرياضةاللي بتعمل جاهدة انها تكون افضل وتقدم خدمات اقوي وكمان المراكز موجودة في كل قرية ومدينة ونجع وعزبة كمان … وبالتعاون مع وزارة الشباب والرياضة بنسعي لاستثمارها الاستثمار الأمثل لخدمة المجتمع
اماكن التواجد
بعد ثلاث اعوام من انطلاق فريقنا اصبحنا الآن موجودين في كل محافظات مصر من شرقها لغربها ومن شمالها لجنوبها وبنضم اكتر من 5000 آلاف متطوع ما بين اعضاء نشطاء وأصدقاء
عملنا
دي قصة طويلة جدا لكن هنختصرهالكم علي مراحل
المرحلة الاولي
كانت 2018 بداية نشأة الفريق وكان هدفها هو جمع كل مراكز الشباب في نافذه اعلامية واحده اسمها مراكز شباب مصر ومعرفة مشاكلها وحلها وابراز دورها الاعلامي وفي المرحلة دي بدانا ننشأ فريقنا واللي انتشر خلال العام الاول في 16 محافظة
المرحلة الثانية
بدات في 2019 وخلالها قدر قطار مراكز الشباب انه يوصل لل 27 محافظة ويعرف الناس بوجوده ويظهر دور مراكز الشباب ويحل مشاكلها ويظهر دورها اكتر للمجتمع
المرحلة الثالثة
هي المرحلة الحالية خلال 2020/2021 واللي بدانا بالفعل ننفذ فيها مبادرات انطلقت من داخل مراكز الشباب لخدمة المجتمع المحيط بيه واصبح عندنا كيان متكامل من لجان مختلفة ونشاط غير عادي
اهم أنشطتنا
هنقول لحضرتك أهم انشطتنا خلال الفترة السابقة علي سبيل الحصر وليس التفصيل
- استقبلنا علي رسائل الصفحة اكتر من 37 الف شكوي وطلب واستفسار من مراكز الشباب والمجتمع المحيط وقدرنا نتعامل معاهم… طبعا مش كل الشكاوي اتحلت لكن نقدر نقول ان 80% منها اتحل
- نظمنا اكثر من 250 اجتماع لاصحاب شكاوي مع المسئولين داخل وزارة الشباب والرياضة لمناقشة شكواهم
- نظمنا اول حدث رياضي متكامل بالمدينة الرياضية بالعاصمة الادارية الجديدة واللي نفذه الاتحاد العام لمراكز شباب مصر بحضور الاستاذ الدكتور اشرف صبحي وزير الشبال والرياضة وعدد من القيادات وبمشاركة 500 شاب وفتاة من 13 محافظة وضم اكثر من 5 آلعاب مختلفة ومارثون ولقاءات تثقيفية وقام بالتنظيم اكثر من 80 عضو من فريقنا
- شاركنا في تنظيم احداث كتير بمراكز الشباب سواء بطولات او مؤتمرات وحفلات مختلفة في مختلف المحافظات بالتعاون مع مديريات الشباب والرياضة ومراكز الشباب القائمين بالتنفيذ
نفذنا مبادرة
- صحتك_تهمنا في محافظة كفر الشيخ لعلاج الغير قادرين عن طريق عمل شبكة من الاطباء والمستشفيات والمعامل والصيدليات المتطوعة واللي استهدفت علاج 3000 آلاف حالة غير قادرة مجانا وبأسعار رمزية وشارك في المبادرة اكثر من 60 طبيب متخصص ومركز طبي متكامل وعدد من المعامل والصيدليات
- نفذنا مبادرة #آهالينا_في_عنينا في محافظة دمياط لخدمة وعلاج آهلنا الغير قادرين وقدرنا نعالج 300 حالة مجانا وباسعار رمزية بالاضافة الي التدخل الجراحي وتوفير النظارات مجانا
- نفذنا مبادرات تدريبية مختلفة في محافظات كفر الشيخ وسوهاج وشمال سيناء
- نفذنا عدد من المبادرات للتوعية ضد فيروس كورونا المستجد عن طريق توعية المواطنين بالاجراءات الاحترازية وتوزيع الكمامات وادوات التعقيم بعدد من المحافظات
- نفذنا مبادرة #كلنا_معاك لاصحاب القدرات والهمم بدمياط بالتعاون مع محافظة دمياط ومديرية الشباب والرياضة
- نفذنا مبادرة #امتحن_انت_في_مان بمحافظة شمال سيناء بالتعاون مع مديرية الشباب والرياضة لتعفيم لجان الثانوية وتوعية الطلاب بالاجراءات الاحترازية من عدوي فيروس كورونا
- اطلقنا مبادرة #طلباتك_اون_لاين لاستقبال كافة طلبات مراكز الشباب وغيرها لوزارة الشباب وارسالها للمختصين والرد عليها كمان
- شاركنا في حملة تعقيم مراكز الشباب والقري المختلفة علي مستوي الجمهورية في يوم واحد
- شاركنا في حملة be Safe لتوعية المواطنين بالاجراءات الاحترازية ضد عدوي فيروس كورونا المستجد
وحاجات تانية كتير بس دي ابرزها
حاليا وصلنا لايه ؟وايه خططنا العام دا
حاليا بفضل مجهود فريقنا والدعم الدائم من الاستاذ الدكتور اشرف صبحي وزير الشباب والرياضة واشراف الدكتور محمد عبد القادر مساعد الوزير اصبحت صفحتنا الصفحة الرسمية لمراكز شباب مصر بالاضافة اننا مكملين في تطوير دورنا عشان نقدر نفيد المجتمع بشكل اكبر
قدرنا نعمل ربط بين كل مراكز الشباب واصبح فريقنا علي ربط وتواصل بمديريات الشباب والرياضة ومراكز الشباب
صفحتنا وصلت ل 75 الف متابع في وقت وجيز وبنوصل لمليون مشاهده في الشهر
هدفنا العام دا اضافة متطوعين حدد لفريقنا يكونوا اضافة قوية لينا ويفيدو مجتمعهم عن طريقنا… واننا ننفذ مبادرات اكتر واقوي تفيد المجتمع وتبرز الدور الاجتماعي لمراكز الشباب
نظام الإدارة
احنا كيان منظم جدا عندنا ادارة عليا للفريق مصدرها وزارة الشباب والرياضة وتحتها فريق مركزي بيضم كل المحافظات وتحته ليدر لكل محافظة وتحتهم نواب القادة والاعضاء… واصبح لدينا فريق متخصص في الجرافيك وفريق مونتاج ولجان تسويقية و HR وعلاقات عامة وتنظيم وميديا داخل كل محافظة
انضم الينا وتابعنا
دلوقتي تقدر تتابعنا وتعرف كل اخبارنا واخبار كل مراكز الشباب وكمان وتشارك معانا في صناعة الحدث عن طريق لينك صفحتنا هنا
تحت رعاية وزارة الشباب والرياضة #فريق_متطوعي_مراكز_شباب_مصر يفتح باب التطوع بالفريق بمختلف محافظات الجمهورية
التطوع يدفعك لان تعيش تجارب جديدة لن يجربها احدا غيرك انضم الينا وطور من قدراتك وعلاقاتك بالآخرين
شروط الانضمام
- السن من 18-35 عام
- ان تكون مقيم في المحافظة التي ستسجل بها
- محب للعمل التطوعي سواء سبق لك التطوع ام لا
التقديم
عبر ملأ النموذج تقديم
ملحوظة: سيتم التواصل واتساب مع كافة المتطوعين فور الانتهاء من فترة التسجيل واغلاق اللينك #علما بان فترة التسجيل تبدا من الثلاثاء 27 يوليو حتي الخميس 5 اغسطس 2021
