تفاصيل امتحان اللغة الانجليزية لمصر للطيران في الجامعة الامريكية لوظيفة الضيافة الجوية
الثلاثاء 3 أكتوبر 2023 كان اول ايام امتحانات اللغة الانجليزية لمصر للطيران في الجامعة الامريكية والامتحان كان عبارة عن امتحان شفوي فقط Oral في حدود 15 دقيقة
اولا: الاسئلة الشخصية
هنا بيتم تقسيم الناس على مجموعات و كل اثنين بيدخلوا في القاعة اللي فيها لجنة من الجامعة الامريكية و هنا اول حاجه كانوا بيسألوا الاسئلة الشخصية و اسئلة عامة لكل شخص مثلا:
- اسمك ايه What is your name
- ساكن فين Where do you live
- بتعمل ايه في وقت الفراغ What do you do in your spare time
- ايه ايه الفيلم المفضل بتاعك what is your favourite movie
- امتى أخر مرة تسوقت فيها واشتريت ايه ؟ When was the last time you did a shopping and what did you buy
- اخر اجازة روحت فين ؟ و كنت مبسوط فيها و لا ايه ؟ when was your last vacation and how was it
هي دي كانت نوعية الاسئلة اللي سالتها لجنة الجامعة الامريكية و طبعا الاسئلة بتكون مختلفة وعامة و بتختلف من شخص للتاني
ثانيا : ال Picture Description
هنا اللجنة كانت بتدي صور للناس و انت كل اللي عليك تعمله انك توصف الصورة اللي قدامك و تتكلم عليها و تقول انت شايف ايه فيها و بس كده و طبعا الصور بتكون مختلفة
ثالثا : ال Topic discussion
هنا اللجنة بتطرح موضوع عليك انت و اللي معاك و تتكلموا عنه و كان من ضمن المواضيع اللي اتكلموا عليها :
- ايه الافضل بين ال online Shopping التسوق الالكتروني و ال Normal Shopping التسوق العادي
- ايه الافضل بين Hyper Market و Mini Market و بتفضل ايه فيهم
طبعا فيه موضوعات كتيرة متخلفة اطرحت على الناس و اتكلمت عليها و دي كانت بس مجرد امثلة بسيطة عليها . هو دة تفاصيل و نظام امتحان اللغة الانجليزية في الجامعه الامريكية في اليوم الاول
تفاصيل اختبارات تحديد مستوى اللغة الانجليزية للمتقدمين لوظيفة مضيف جوي بمصر للطيران.
البوست منقول من احد المتقدمين
تفاصيل اليوم
اول لما بتروحوا بتدخلوا و تدوروا علي اسمكم في الكشف و دة متعلق برة الاوضة و بتعرفوا انتوا هتمتحنوا في room رقمها كام و بتطلعوا ال room تستنوا الناس تيجي علشان كل ٢ بيدخلوا مع بعض و في حد بييجي يديلكم كارت تكتبوا فيه اسمكم و الرقم القومي بتاعكم و بتدخلوا room فيها ٢ بيمتحنوكوا الاسئلة كلها oral اسئلة شخصية الأول و بعد كدة بيطلع ورقة فيها ٤ صور و بيسأل اسئلة علي الصور دي و بعد كدة بيفتح ورقة تانية فيها موضوع تتكلموا عنه مع بعض و تسألوا بعض و تردوا و هما بيقيموا في الكارت اللي كتبتوا فيه اسمكم
الناس محترمة جداً و متعاونة جداً و لما حد بيعطل بيزقوه
الاسئلة كانت
What’s your name ?
What’s your favourite movie ?
Which Airlines do you work ?
الورقة اللي فيها الصور
كانت ٤ صور مع بعض
صورة لكابتن في ال cockpit
صورة مدرس و طالب
صورة دكتور و مريضة
صورة شيف بيطبخ
الورقة بتاعت الموضوعات
هو بيفتح موضوع واحد بس
الموضوع اللي جالنا كان عن social media