فرصة للتطوع في مراكز رسالة للتدريب في لجنة التواصل الأونلاين التابعة لجمعية رسالة الخيرية Resala Training Centre | RTC
نبذة عن مراكز رسالة للتدريب Resala Training Centre RTC
احنا مركز تدريب تطوعى مجانى تماما تابع لجمعية رسالة للأعمال الخيرية ، جميع القائمين على الدورات التدريبية من منظمين و مدربين و تسويق و خلافه متطوعين و عشان كدا كورساتنا مجانية تماما
لو حابب تتطوع معانا و تكون جزء من العلم دا بنية الصدقة الجارية و بنيه انه يكون علم ينتفع به يبقى لازم تطوع معانا
لو عايز تستفيد خبرات جديدة و تكون شبكه علاقات قوية و تستفيد بوقتك و تاخد شهاده خبرة بدا كمان يبقى هنستناك معانا
التطوع في مراكز رسالة للتدريب في لجنة التواصل الأونلاين Resala Training Centre | RTC
فصل جديد وشهر جديد
يبقى لازم تبدأ بداية جديدة
خاصة بقرب شهر رمضان الكريم، شهر الخير والبركة، شهر الأعمال الحسنة، شهر كل حاجة جميلة ♥️
وعلشان كده إحنا في RTC بنفتح باب التطوع اونلاين علشان تكسب وقتك وتعمل خير أكبر وانت في بيتك أو شغلك أو حتى في بريك المذاكرة يعني مفيش حجج يا صديقي
لو انت مهتم بمجال التطوع اونلاين ( من البيت ) سيبلنا تعليق بمهتم واستنى مننا بوست التفاصيل
تفاصيل التطوع في مراكز رسالة للتدريب في لجنة التواصل الأونلاين Resala Training Centre | RTC
انا سجلت معاكم امبارح ومحدش كلمني لحد دلوقتي
= يبقى لازم تعرف ايه اللي بيحصل بعد ما بتسجل ده حقك علينا ✔️
تعالى نعرف شوية عن ما وراء الحدث
كورسات الاونلاين من الكورسات اللي بتتميز ب 4 مراحل ما قبل الانترفيو
أول مرحلة معانا هي: لجنة التواصل
ودي اللجنة المسئولة عن التواصل بيك أول ماتسجل معانا في أي كورس
رحلة لجنتنا بتبدأ أول ما العدد يكتمل للكورس بيجي دور الكونتاكت
طب ايه هو الكونتاكت ده ؟
= أقولك أنا
من برامج الدرايف الجميلة حاجة اسمها contacts ودي بتسهل إننا نسجل عدد كبير من الاسماء بضغطة زر واحدة
وبعد ما يسجل كل المستفيدين بيعمل جروب الواتساب ويضيفهم كلهم ويبعتلهم الرسالة لحضور الانترفيو ✔️💌
طيب علشان انضم للفريق ده محتاج أكون عارف ايه؟
محتاج تسجل في اللينك وإحنا هنعلمك كل حاجة من خلال تدريب بسيط هيشرحلك كل الخطوات وهننفذ معاك كل حاجة
كل المطلوب منك
- نت ثابت WIFI
- كمبيوتر أو لابتوب
- موبايل يقدر يتعامل مع برنامج الواتساب
- ايميل سواء yahoo أو Gmail
لو شفت نفسك في الفريق ده سجل باللينك ده وهنكلمك
ودي كانت رحلتنا الأولى بس استنانا في باقي الرحلات علشان تعرف أكتر عن فريق الاونلاين
التطوع في مراكز رسالة للتدريب في لجنة التأهيل الاونلاين Resala
Training Centre | RTC
من أكتر الأسباب اللي بتمنع المستفيد يحضر كورس اونلاين
هو إنه مش بيعرف يستخدم برنامج زووم أو مايعرفش عنه حاجة
طيب إحنا في RTC بنسيبهم كدة ؟
طبعاً لا إحنا في ظهر وسند كل مستفيدينا
وده دور فريقنا التاني وهو: لجنة التأهيل
وهي اللجنة المسئولة عن تعليمك كل حاجة تخص برنامج زووم
وبتعمل معاك رووم تجريبية وبتتابع معاك على الواتساب لحد ما تتعلم البرنامج كويس وتنجح في الاختبار كمان ✔️
طيب علشان انضم للفريق ده محتاج أكون عارف ايه؟
محتاج تسجل في اللينك وإحنا هنعلمك كل حاجة من خلال تدريب بسيط هيشرحلك كل الخطوات وهننفذ معاك كل حاجة
كل المطلوب منك
- نت ثابت WIFI
- موبايل يقدر يتعامل مع برنامج الواتساب
- ايميل سواء yahoo أو Gmail
لو شفت نفسك في الفريق ده سجل باللينك ده وهنكلمك
ودي كانت رحلتنا الثانية استنانا في باقي الرحلات علشان تعرف أكتر عن فريق الاونلاين
التطوع في مراكز رسالة للتدريب في لجنة الاختبارات الاونلاين Resala Training Centre | RTC
هو ليه في اختبار والكورس مبتدأيين ؟
الإختبار غرضه معرفة مستواك انت
كتير مننا بيبقى عارف معلومات بس بينسى فبيحضر كورسات علشان يفتكر ويراجع من أول وجديد فإحنا محتاجين نعرف انت مستواك ايه بالظبط
لو مش عارف حاجة خالص مش مشكلة ده مش هيمنع من حضورك الكورس فماتقلقش لما يكون في اختبار والكورس مبتدأيين حل اللي تعرفه
وده بينقلنا لرحلتنا الثالثة وهي لجنة الإحتبارات
المسئولة عن عمل إختبارات الكورسات الاونلاين في جوجل فورم
بيستلم الأسئلة من المدرب وبيحولها لإختبار بسيط من خلال الرابط والدرجات بيتم تجميعها بشكل تلقائي
يعني دورهم بيقف هنا
طيب علشان انضم للفريق ده محتاج أكون عارف ايه؟
= محتاج تسجل في اللينك وإحنا هنعلمك كل حاجة من خلال تدريب بسيط هيشرحلك كل الخطوات وهننفذ معاك كل حاجة
كل المطلوب منك
- نت ثابت WIFI
- جهاز كمبيوتر أو لابتوب
- موبايل يقدر يتعامل مع برنامج الواتساب
- ايميل سواء yahoo أو Gmail
لو شفت نفسك في الفريق ده سجل باللينك ده وهنكلمك
ودي كانت رحلتنا الثالثة استنانا في أخر رحلاتنا علشان تكمل معرفتك عن فريق الاونلاين
التطوع في مراكز رسالة للتدريب في لجنة التنظيم الاونلاين Resala Training Centre | RTC
أخر محطات رحلتنا وأهمهم
ألا وهي رحلة لجنة التنظيم
وهي المسئولة عن تنظيم ومتابعة الكورس من أول محاضرة حتى أخر محاضرة
رحلتها بتبدأ بعمل لينك الرووم وإدخال المستفيدين ومتابعة الحضور والغياب وأيضاً عمل التاسكات
والرد على الإستفسارات طوال فترة الكورس ودايماً لو عايز أي حاجة او عندك أي استفسار ابعتله وهتلاقي الإجابة عنده اعتبره مرشدك أثناء الكورس
طيب علشان انضم للفريق ده محتاج أكون عارف ايه؟
محتاج تسجل في اللينك وإحنا هنعلمك كل حاجة من خلال تدريب بسيط هيشرحلك كل الخطوات وهننفذ معاك كل حاجة
كل المطلوب منك
- نت ثابت WIFI
- موبايل يقدر يتعامل مع برنامج الواتساب
- ايميل سواء yahoo أو Gmail
- وقت فاضي ساعتين على الأقل اسبوعياً
لو شفت نفسك في الفريق ده سجل باللينك ده وهنكلمك
ودي كانت رحلتنا الرابعة استنانا في أخر حاجة لازم تعرفها علشان تكمل معرفتك عن فريق الاونلاين
التطوع في مراكز رسالة للتدريب في لجنة التدريب الاونلاين Resala Training Centre | RTC
إِذَا مَاتَ ابنُ آدم انْقَطَعَ عَنْهُ عَمَلُهُ إِلَّا مِنْ ثَلَاثٍ: صَدَقَةٍ جَارِيَةٍ، أو عِلْمٍ يُنْتَفَعُ بِهِ، أَوْ وَلَدٍ صَالِحٍ يَدْعُو لَهُ. رَوَاهُ مُسْلِمٌ.
السؤال المعتاد لينا هو انتو ليه كورساتكم مجانية؟!
والسبب إننا نشاط تطوعي قائم على المتطوعين من أول التنظيم والتسويق لحد التدريب كمان
وده لأن واحد من أهم شعارتنا اللي بنسعى دايماً لإنتشاره هو علم ينتفع به ♥️
إنك تعلم غيرك ولو حرف في كل مرة هيستخدم الحرف ده هتاخد انت ثواب تخيل بقى لو علمته برنامج كامل أو لغة أو حتى مهارة من مهارات التنمية البشرية اللي انت شاطر فيها
شوف هيبقى حسابه ليك قد ايه
وعلشان كده إحنا في RTC فتحنا باب التطوع للتدريب الاونلاين
علشان تفيد بعلمك من غير ماتضيع وقتك
ساعتين في الأسبوع من بيتك هيفرقوا في حياة إنسان تاني كتير أوي وهيبنولك جبل من الحسنات المستمرة
لو أنت شاطر في أي مجال وتقدر تعلم غيرك سجل باللينك ده وهنكلمك على طول ✌
كل المطلوب منك
- نت ثابت WIFI
- موبايل يقدر يتعامل مع برنامج الواتساب
- ايميل سواء yahoo أو Gmail
- وقت فاضي ساعتين على الأقل اسبوعياً
- لابتوب او جهاز كمبيوتر لو هتشرح برنامج من برامج الكمبيوتر
وبكدة تكون عرفت كل حاجة عن فريق الاونلاين من أول التواصل لحد التدريب
لو عندك أي استفسار سيبه في تعليق وهنرد عليك على طول
التقديم للتطوع في مراكز رسالة للتدريب في لجنة التواصل الأونلاين Resala Training Centre | RTC
لجنة التواصل الاونلاين تقديم
لجنة التأهيل تقديم
لجنة الاختبارات تقديم
لجنة التنظيم تقديم
لجنة التدريب تقديم
